70 milyondan çox ABŞ vətəndaşı artıq öz seçki hüququndan istifadə edib və 5 noyabrda keçiriləcək ümumi seçkidə erkən səs verib. Bu, ölkədə qeydiyyatda olan təxminən 168 milyon seçicinin ümumi sayının təxminən 42%-ni təşkil edir.
Yacnut xəbər Oxu.Az-a istinadən xəbər verir ki,bu barədə Florida Ştat Universitetinin dərc etdiyi məlumatlar göstərir.
Erkən səs verən 70 053 286 amerikalıdan 37.4 milyondan çoxu səsvermə məntəqələrində şəxsən səs verib, təxminən 32.6 milyon nəfər isə poçt vasitəsilə səs verib.
Erkən səs verənlərin sayına görə üç ən böyük ştat liderdir: Texas (7.9 milyon), Florida (7.3 milyon) və Kaliforniya (6 milyon).
Xatırladaq ki, ABŞ prezidenti vəzifəsi uğrunda keçmiş dövlət başçısı, respublikaçı Donald Tramp və hazırda ABŞ-ın vitse-prezidenti olan demokrat Kamala Harris mübarizə aparır.
Donald Tramp ABŞ-nin 45-ci prezidenti olub və 2017-2021-ci illərdə hakimiyyətdə olub. Onun prezidentliyi dövründə daxili və xarici siyasətdə ziddiyyətli qərarları və rəqiblərinə qarşı sərt ritorikası ilə yadda qalıb. Kamala Harris qalib gələcəyi təqdirdə ABŞ tarixində ilk qadın prezident, həmçinin Asiya mənşəli ilk prezident olacaq.
