İspaniyanın “Barselona” futbol klubunun heyətində bir çox futbolçu xəstəliyə yoluxub.
“Yacnut” xəbər Lent.az”a istinadən xəbər verir ki, bu barədə “Barsa”nın mətbuat xidməti məlumat yayıb.
Rəhbərlik bu səbəbdən İtaliyanın “Yuventus”u ilə yoldaşlıq oyununu ləğv etmək qərarına gəlib.
Klubdan bildirilib ki, heyətin əhəmiyyətli bir hissəsi qastroenterit xəstəliyinə tutulub.
İspaniya klubunun “Yuventus”la oyunu iyulun 23-də Bakı vaxtı ilə saat 06:30-da Kaliforniyada “Livays” stadionunda baş tutmalı idi.
“Barselona” həmçinin iyulun 27-də İngiltərənin “Arsenal”, iyulun 29-da İspaniyanın “Real Madrid”i və avqustun 1-də İtaliyanın “Milan”ı ilə oynamalıdır.
